فەراهانی لە فیلمە نوێکەی جیم جارموشدا نواندن دەکات

20/01/2016    19:36

فەراهانی لە فیلمە نوێکەی جیم جارموشدا نواندن دەکات 


Cînema

پشتیوان کەمال

ستۆدیۆکانی ئەمازۆن دواهەمین فیلمی جیم جارموش بەرهەمدەهێنن.

فیلمەکە چیرۆکێکی خۆشەویستییە دەربارەی ژیانی شۆفێرێکی پاسی پاترسن. فیلمەکە بە ناوی "Paterson"وەیە و ئەدام دڕایڤەر و گوڵشفتە فەراهانی ڕۆڵی سەرەکی تێدا دەگێڕن. کاستی فیلمەکە لەم نزیکانەدا دەستیانکردووە بە کاری وێنەگرتن و بڕیارە لە کۆتایی ئەمساڵدا لەسەر پەردەی سینەماکان نمایشبکرێت.

تێد هۆپی بەڕێوەبەری بەرهەمهێنانی وێنەی جوڵاو لە ستۆدیۆکانی ئەمازۆن دەڵێت، "فیلمی 'Paterson' چیرۆکێکی هەزەلی، فەلسەفیی هەیە کە تەنها جیم دەتوانێت بیکاتە وێنە و نیشانی بدات. ئێمە لە نزیکەوە کاری لەگەڵ دەکەین و یارمەتی دەدەین بۆ ئەوەی ئەم فیلمە دروستبکرێت."

هەروەها دەڵێت، "ئەدام دڕایڤەر یەکێکە لە ئەکتەرە هەرە باشەکانی ئەم نەوەیەی ئێستا. شتێکی سەرنجڕاکێش دەبێت کە ببینین و بزانین ئەو لەگەڵ جیم دەتوانن چیمان بۆ بخولقێنن لە چیرۆکی پاترسنەوە." 

سەرچاوە: adweek.com







هه‌والی زیاتر