سبەینێ لە سلێمانی یادی هونەرمەند کەریم کابان دەکرێتەوە

24/02/2016    00:02

سبەینێ لە سلێمانی یادی هونەرمەند کەریم کابان دەکرێتەوە 


Mwsîk

سولی ئۆن وێب 
لاژە تەها


بڕیارە سبەینێ، چوارشەممە، ۲٤ی ۲ی ۲٠۱٦، کاتژمێر ٤:٠٠ی پاش نیوەڕۆ، لە تەلاری هونەر، لەلایەن تیپی مۆسیقای سلێمانییەوە یادێك بۆ هونەرمەندی کۆچکردوو، کەریم کابان، ڕێکبخرێت.

 دەربارەی چالاکییەکانی یادەکە، بەختیار سەعید، بەڕێوەبەری تەلاری هونەر و یەکێك لە ڕێکخەرانی ئەو یادە، بە سولی ئۆن وێبی ڕاگەیاند: " چالاکییەکان پێكدێن لە پێنج گۆرانی هونەرمەند بە شێوەی کۆڕاڵ، چەند وتارێك، فیلمێکی دیکۆمێنتاری کە لەلایەن کەناڵی کوردساتەوە بەرهەمهاتووە، پێشانگایەکی فۆتۆ بۆ تەمەنە جیاوازەکانی هونەرمەند، لەگەڵ دانانی کۆمەڵێك لە جل و بەرگ و کەرەستەی تایبەتی کەریم کابان"

هەروەها کتێبێکی تایبەت بە ژیان و بەرهەمەکانی کەریم کابان ئامادە کراوە، لەژێر ناونیشانی (کەریم کابان ڕێحانەیەك لە دەنگی خۆش) دابەش دەکرێت بەسەر ئامادەبووان دا و هاتن بۆ هەمووانە.



هه‌والی زیاتر