مەردان لە فێستیڤاڵی نێودەوڵەتیی سیلکرۆدی چین نمایش دەکرێت

27/09/2015    18:32

مەردان لە فێستیڤاڵی نێودەوڵەتیی سیلکرۆدی چین نمایش دەکرێت 


Cînema

فیلمی سینەمایی "مەردان" لە دەرھێنانی "بەتین قوبادی" لە بەشی پێشبڕکێی دووەمین خولی فیستیڤاڵی نێودەوڵەتیی فیلمی "سیلکرۆید" لە وڵاتی چین نمایش دەکرێت.

فیلمی سینەمایی "مەردان" یەکەمین بەرھەمی بڵندی "بەتین قوبادی" و بە ڕۆڵ بینینی ئەکتەری ناوداری کورد "حوسێن حەسەن" و فیلمی ھەڵبژاردەی وڵاتی عێراق بۆ ھەشتاو حەوتەمین خولی ڕێوڕەسمی خەڵاتە سینەماییەکانی ئاکادیمیای ئۆسکار لە ساڵی ٢٠١٥، بە نوێنەرایەتیی لە ھەرێمی کوردستان و بە ئامادەبوونی ئەم سینەماکارە کوردە کاتژمێر ٩ی پێش نیوەڕۆی ڕۆژی ھەینی ٢٥ ئەیلوول / سێپتەمبەری ٢٠١٥ لە بەشی پێشبڕکێی دووەمین خولی فێستیڤاڵی نێودەوڵەتیی فیلمی "سیلکرۆید" Silkroad لە شاری فۆژۆ لە وڵاتی چین دەچێتە سەر پەردەی سینەماکان.

ئەم فیستیڤاڵە بە بەشداریی کۆمەڵێک فیلم لە سینەماکارانی وڵاتانی جۆراوجۆری جیھان لە دوو بەشی پێشبڕکێ و دەرەوەی پێشبڕکێ لە ڕۆژانی ٢٢ تا ٢٥ ئەیلوول / سێپتەمبەری ٢٠١٥ لە شاری فۆژۆ لە وڵاتی چین بەڕێوەدەچێت.

فیلمی سینەمایی "مەردان" کە تا ئێستا لە کۆمەڵێک فێستیڤاڵی نێودەوڵەتی فیلم لە ئاستی جیھان نمایشکراوە و لە لایەن رەخنەگرانی سینەمای تورکیاوە خەڵاتی باشترین فیلمی بەشی پێشبڕکێی "بیرۆکە وەرگرتن" inspired لە میانەی چواردەیەمین خولی فیستیڤاڵی نێودەوڵەتیی فیلمی "ئەستەنبووڵ"ی پێبەخشراوە لە دوایین بەشداریی نێودەوڵەتی خۆیدا لە دوو سانسی جیاوازدا لە رۆژانی ٣١ ئایار / مایۆ و ٢ی حوزەیران / یۆنیۆی ٢٠١٥ لە بەشی دەرەوەی پێشبڕکێی "سینەمای ھاوچەرخی جیھان" Contemporary World Cinema لە چل و یەکەمین خولی فیستیڤاڵی نێودەوڵەتیی فیلمی "سیاتێل" Seattle لە وڵاتی ئەمریکا نمایشکرا.

فیستیڤاڵی نێودەوڵەتیی فیلمی "سیاتێل" کە بە یەکێک لە باشترین فیستیڤاڵەکانی ئەمەریکای باشوور دەناسرێت، خولی چل و یەکەمینی بە بەشداری کۆمەڵێک فیلم لە وڵاتانی جۆراوجۆری جیھان لە چەندین بەشی پێشبڕکێی و دەرەوەی پێشبڕکێی لە رۆژانی ٣١ ئایار / مایۆ تا ٧ی حوزەیران / یۆنیۆی ٢٠١٥ لە شاری سیاتێل لە ویلایەتی واشینگتۆن لە وڵاتی ئەمەریکا بەڕێوەچوو.




هه‌والی زیاتر