نڤیساندن: ده‌وران مه‌حموود
سۆناگاچی: ده‌ڤه‌را هێلا سۆره ل باژارێ كۆلكاتای یا هندستانێ. كۆ ل گوره‌ی ئامارێن نڤیسینگه‌ها نه‌ته‌وێن ئێكگرتی یا ل سه‌ر مادده‌یێن هۆشبه‌ر و تاوانان (UNODC)، سۆناگاچی به سه‌دان فره-چیرۆكان یێ قه‌حپه‌خانان یا هه‌ی كو د رێچێن چۆلێ دا هاتینه ئاڤاكرن و ماڵا نێزیكی 10،000 كاركه‌رێن گانێیه . ئه‌ڤ شوین ب ته‌ڤاهیا جیهانێ یا هاتیه نیاسین. ئه‌ز دێ ل درێژاهیا وتارێ ب هه‌وه بێژم.
به‌لگه فلما (ژدایكبوویێن نێڤ قه‌حپه‌خانان) كو ئالیا زانا بریسكی و رۆز كۆوفمه‌ن ساڵا 2004 هاتیه چێكرن. خاتین (زانا)یێ فۆتۆژۆرنالست گه‌شته‌ك ب ناڤ جهانا ژێرییا كۆلكاتا دا كر دا كۆ فۆتۆگرافییا له‌شفرۆشیێ وێ باژاری بكه‌ت. ژ به‌ر خاترێ هێلان و مۆله‌تێ، زانا ل هه‌مبه‌ر وێ هندێ پێشنیازا فێركرنا بنگه‌هیێن كارا فۆتۆگرافیێ بۆ زارۆكێن له‌شفرۆشان كر هه‌یا زارۆك ژی بشێن ژیانا رۆژانه خوه ل تاخا یه‌ك ژ باژارێن هه‌ری هه‌ژار یا جهانێ دۆكیومێنت بكه‌ن. ئه‌نجامێن فۆتۆگرافین وان زارۆكان، كۆ ب پرانی بالكێش بوون، ل سه‌رانسه‌رێ جهانێ هاتن نیشاندان؛ گه‌له‌ك ژ وان د ڤێ به‌لگه فلمێ دا هاتینه دیتن، كۆ خه‌لاتا ئۆسكارێ ژ بۆ به‌لگه فلما هه‌ری باش ڤه‌بر.
بەلگە فلما “ژدایکبوویێن نێڤ قەحپەخانان” نمۆنەکا دیە ژ بۆ خۆدان دەرکەفتنا ئاکاری. بەلگە فلم ب ژێهاتی چەواهییا بەرپرسیارەتییا فلمچێکەری یا دئێخیتە بەر چاڤ و شرۆڤە دکەت کۆ دشێت ببیتە کریارا فلمێ ب خوە. ب ئاڤاییەکا گونجای، ژ بەر هەڤکاریکرنا زارۆکێن کارکەرێن گانێ ب ڤێ کۆ هەیا فێری فۆتۆگرافیێ ببن، د پەی دا وەکی هۆیەک ژ هۆیێن خوەنوینەرینیکرنێ هات بکارهینان، ئەوێ کۆ زانا بریسکی ب هەڤسەنگییا هێزێ دادینیت. ب ئەشکەرای پەڤداچووین هاتە روویدان دگەل ئاکارا رۆژنامەگەریێ د راپۆرتچێکرنا بابەتیێ دا ژ بەر نەپەژراندن یا کۆ چاڤەکێ لێنێڕینا وان هەر ل سەر زارۆکان بیت کۆ پێشەرۆژێن وان دێ ب توندی گرێدای و سینۆردار بیت بێی دەست تێڤەدانا وێ، بەلێ ئەڤە ئەگەرە یا کو هۆسا دکەت بەلگە فلم پتر هۆنەر بیت وەکی راپۆرتێن نویچەیی.
گاڤا هێز لە تایا تەرازوی خوار ڤە دبیت، کریار نەسەربخوەن ل هەمبەر فلمچێکەران دا ب ڤێ هندێ کۆ چیرۆکەک بهێتە ڤەگێران.
ئاکارا بەرخوەدێریا بەپرسیاریی پێشەنگییەکا بلند ددەتە بوێژا “بدەستئێخستنا چیرۆکی”. ڤێگا بەلکی دۆلیوگەرتی پێدڤییەک بیت دگەل ڤان کەسان دا کۆ پیچەک ژ سۆزا پێڤەکی یا تێ دا هەی و ل نک وان هۆسا باشە کۆ بها و رامانێن خوە ڤەشێرن و بفەتسینن (گەلەک جاران سودا هێزا وان ب خوە تێ دکەڤیت) یان دگەل ئەوێن کۆ مەبەستێ وانە گلی و گازندێن خوە ب گەرم و گوڕی ڤە هەلرێژن.
“ژدایكبوویێن نێڤ قه‌حپه‌خانان” یا رۆز كۆوفمه‌ن و زانا بریسكی پرسه‌كا ئێتنۆگرافیی دئێته به‌ر هزران كۆ فیلمسازێن دی د هه‌ولدانێ دانه به‌رسڤێ ده‌ن: ئه‌م چه‌وا رێكا دیتنا كریاران ڤه‌گوهێزین؟ كۆوفمه‌ن و بریسكی رادبن ب ئه‌نجامدانا پشكنینه‌كی بۆ به‌رسڤدانا ڤی پرسیاری ب تۆماركرنا جهانا ده‌ڤه‌را هێلا سۆر یا كۆلكاتا د لێنزێن هه‌شت زارۆكان را كۆ ل وێرێ دژین. هه‌رچه‌ند فلمچێكه‌ر ژی دبێژن كۆ “ئه‌م نه ئیتنۆگرافه‌رین”، به‌لێ دویچارێ ئالۆزیا راگهاندنا گۆشه دیتنا خوه‌جهی بوون.
“ژدایكبوویێن نێڤ قه‌حپه‌خانان فلمه‌كا بهێزه د شیانا خوه دا ده‌مارێن دلێ رۆژاڤاییان ته‌نگ بكه‌ت. به‌لێ هه‌یا رادده‌كێ یا پێشنیاز دكه‌ت كۆ ته‌نها چاره‌سه‌ری ب رزگاركرنا تاكێن ده‌ره‌كی ڤه هاتیه به‌ستن، ڤێگا چیرۆكه‌كا ژرێلاده‌ر پێشكێ دكه‌ت و د راستیێ دا ب پێنه‌ڤیای وێنه و نیشانه‌یێن بێهیڤیكه‌ر یێ ده‌لیڤا گوهورانان نمایش دكه‌ت”. (فران میشێل)ـا ماركسیست گۆته‌نی.
ژێدەر:
Sex Workers